Details

دوشونجه شیوه یه یؤنه لیک یوخسا یانلیش آنلاییشلار!

یاشار گولشن

 

سایين يونوس بئي شاميلي منيم بير قيسا يورومومونان ايلگيلي فيسبوک صفحه سينده منه خطاب اولاراق دوشونجه شیوه یه یؤنه لیک آديندا بير يازي پايلاشيب. يونوس بئي يازيسيني بئله باشلاييب:

 تورکیه مسئله لری عمومیتله بیزیم (گونئی آزربایجان و ایران دا تورک لری) اوچون ایکی آچی دان آنالیز ائتمک اولور؛ بیرینجی سی؛ گونئی آزربایجان ین میللی ماراق لاری آچی سیندان و ایکینجی سی؛ تورکیه نین دئمکراتیک لشمه آچی سیندان”.

يونوس بئي-ین بو باشلانقیج پاراگرافی ايشي آسانلاشدیریب. منيم فيکريمجه ده بيزيم باخيشيميز بو ايکي آچي دان آناليز اولونسا یارارلی اولار. بو فاکتورلارين اوزه رينده من قیساجا بوردا يونوس بئی-ين يازيسينين يانليشليغينا-هم مقدمه ده و هم باشقا بؤلوملرده- توخونورام.

يونس بئي اؤزونو تورکیه سیاست لرینه گلدیکده عمومیتله گونئی آزربایجان ماراقلاری آچی سیندان مسئله له ره یاخینلاشماق نییه تینده اولموش و مني یالنیز ایکینجی آلانی، یعنی تورکیه نین دئمکراتیک لشمه پروسئسین ایچه رییر تانیتدیریر. کسينليکله بو يانليش آنلاييش دير.

يونوس بئي-ين نيتي نه اولور اولسون اما اونون گئچن گونلرده کی يازيلاري گونئي آذربايجان ماراقلاري آچيسيندان يوخ، بلکه پان ايرانيست و آنتي تورک جريان لارين خطي نن پارالئل گئتمه سيني گؤسته رير-.البته يونوس بئي يازيسيندا آنتي تورک قاورامينين دوغرو اولماماسين وورقولاییر کی بو قونودا دا ایضاحات وئره جه يم-.

يونوس بئي منه گه له نده ده مساله ني ترسینه گؤسته رير. منيم گئچن نئچه يوروموم، هم دومان بئي رادمئهر و هم سيمين خانيم صبري-نين فئيس بوک صفحه لرينده، تورکيه نين ايچ پولیتيکاسينا ياناشاندا بيزيم گونئي آذربايجان و ايران تورکلرينين منافعي باخيشين نظر ده توتماق تاکيد اولونوب. تورکيه نين ايچ سياسي طرفلرينه من هئچ بير يورومومدا موناسبت گوستر مه ميشم. هئچ زامان نه آک پارتي و نه باشقا پارتييالارين خئيرينه و يا ضدينه يازماميشام. يونوس بئي-ين رئفرئنس وئردييي يورومدا دا اردوغان-ين سياستينه موثبت يا منفي نظر بيلديرمه دیييمي تکرار تکرار يازميشام. بئله دورومدا يونوس بئي-ین منيم فيکيريمي ترسينه آلماسيني نئجه تفسير ائله مه ييمه قالميشام. اولابیلر من اؤز يازديقلاريمي ترسه دوشونوره م! بلکه ده يونوس بئي منيم سؤزومه ديقت ائتمه دن اؤز فيکرينده گثچن لري فاکت سانير و منه باغلير، یا دا منیم آدیما باشقا شخصلره ده جواب یازماق ایسته ییر!

آک پارتيني تنقيد ائتمک باهاناسينا تورکييه نين وضعيتيني اه فلکه حالدا گوسته رن فارس مئديا لارينان برابر گئدن دوسلتلارا يازديغيم سؤزده دئميشه م:

]اگر نوشته هاي انتقادي ما و بخصوص بمباران تبليغاتي ضد اردوغاني بعضي دوستان ميتوانست راي حد اقل يک راي دهنده ترکيه اي را به سمت جناح ديگري متوجه کند ميشد آنرا قابل توجيه و قابل دفاع دانست اما مساله اينست که مخاطب اين سياه نمائي ها ايرانيان هستند و میشود دید که همین مخاطبان بیخبر، با شنيدن حرفهائي مشابه سياه نمائي هاي مدياي ايراني از زبان برخی فعالان نه تنها آگاهي درستي پيدا نميکنند بلکه به همان مديائي که دائما اطلاعات تحريف شده به خوردشان ميدهد اعتماد بیشتری پیدا میکنند. اينکه ما نبايد دنباله رو جوي باشيم که آنان برايمان ميسازند و اينکه نبايد در زميني بازي کنيم که آنان براي ما آب و جارو ميکنند.[.

يونوس بئي-ین يانليش باشا دوشمه مه سين دن اوتورو بوندان داها آیدین نئجه يازماغ اولار ؟ من صراحتينن پان ايرانيست مديا لارين تورکيه حاقيندا قارالاما تبليغاتينا آلدانماغي گونئي آذربايجان و ايران تورکلرينين منافعينه قارشي اولماغين يازيرام اما يونوس بئي بير حالدا کي اؤزو تورکیه یه دوعا ائده لیم يازيسيندا آک پارتي نين ايچ مساله لرين دن توتوب تورکيه نين سياسي و نيظامي مساله لرينه منفي موناسيبت بيلدیریر، اؤز باخيشيني گونئی آزربایجان ین میللی ماراق لاری آچی سیندان سانير. اگر دوعا ائله مک طلبينی بوردان چیخاراک، بو بير طرف لي قارالاما باخيش نئجه گونئی آزربایجان ین میللی ماراق لارینا خیدمت ائلییر؟

حتي يونوس بئي-ين دئدييي ني ده نظره آلاق کي: بعضن ده تورکیه نین دئمکراتیک گلیشمه سی آچی سیندان یازیلاریمدا سؤز آچمیشام. چون کو، تورکیه نین گلیشمه سی و دئمکراتیک لشمه سی گونئی آزربایجان دا و ایران دا تورک خالقی نین اؤز گوونجینه یاردیمجی اولور و خالقیمیزین وارلیغینا اینانجینا گئده گئد آرتیریر، يئنه ده ايران مئديالارينن برابر، تورکيه ني فلاکت حالدا گؤسترمه ک، بیزیم خالقیین اؤز گوونجینه نه ته هر یاردیمجی اولار و خالقیمیزین وارلیغینا اینانجینا گئت گئده آرتیرار؟

*

فاکتلارين ترسینه تقديم ائديلمه سي يونوس بئي-ين يازيسيندا بوردا بيتمير.

يونوس بئي دوشونجه شیوه یه یؤنه لیکباشليقينين آلتيندا بيرينجي بؤلومده منيم يوروموما استناد ائده رک يازير:

دئیرسینیز کی تورکیه وطن داشی اولسایدینیز "آکپ نی شوبهه سیز ترجیح ائتمزدینیز". آمما تورکیه نین دیشین ده بیر یاشایان کیمی" بوتون فاکتورلاری نظره آلمالییام". هر کس سیزده ن سورا بیلیر کی تورکیه نین گلیشمه سین آنالیز ائتمک اوچون تورکیه وطنداشی "اولماق" و یا "اولماماغا" نه علاقه سی وار؟ یعنی تورکیه وطن داشی اولسایدینیز "بوتون فاکتورلاری نظره آلمیاجاقدینیز می؟". باشقا دئیش له سیزجه تورکیه وطنداشی اولماق "بوتون فاکتورلاری نظره آلماماق" و تورکیه وطن داشی اولماماق "بوتون فاکتورلاری نظره آلماق" معناسینا گلیر می؟

بوردا اگر خوش نييت ایله يونوس بئي-ين سؤزلريني قصدینن تحريف سانماسام، اونو ديققتسيزليک حئساب ائليرم.

اولاً، "بوتون فاکتورلار" مطلق بیر ایفاده دئییل بلکه نیسبی دیر. من "بوتون فاکتورلار" دئیه نده ایران/گونئی آذربایجاندان اولان بیر تورک اوچون اؤنملی اولان بوتون فاکتورلاری دئییره م. میثال اوچون، من تورکیه حاقیندا فیکیر بیلدیره نده، فارس مئدیاسی و ایران توپلومونداکی آنتی تورک سیاستی، پ.ک.ک طرفدارلارینین پروپاگانداسی و ایراندا همیشه تورکیه یه باخیش ایله ایرانداکی تورکلره باخیش آراسیندا گئنیش ایرتیباط اولماسینی دا نظرده آلمالیام. بیر تورکیه وطنداشی اوچون بو "بوتون فاکتورلار" باشقا شئیلر اولابیلر.

ایکینجیسی، من تورکیه وطن داشی اولسايديم سئچکی لرده ایشتیراک ائدیب تورکيه نين سياستينده اثریم اولاردی. ائلیه بیلردیم اؤز ماراقلاريما اويقون بیر پارتي دا عوضو اولوب اونون سياستلريني تبلیغ ائده م. اوردا منيم بير پارتييه باغليليغيم و يا خود، بير ايدئولوژييه اينانجيم منيم قرارلاریمی تعیین ائله ردي. بو باخيشينان البته آک پارتي منيم ترجيح ايم اولابيلمزدي.

تورکيه نين دیشیندا اما من سئچيم ایمکانیم يوخدور. من صحنه ده آکتور دئييرم بلکه سئییرجییم. من تکجه مساله لري کناردان ایزله یه بيله رم. بوردا تورکيه نين ايچ سياستي منيم شخصي ماراقلاريملا اويغون اولوب اولماماغي هئچ بير اؤنم داشيمير. من داها تورکييه نين بير پارتي عوضوي تکين عمل ائلييه بيلمه رم. من تورکييه نين سياستينده بوتون فاکتلاري گرک نظر ده آلام. بوردا داها منيم شخصي حيسيياتيم يوخ بلکه صحنه ده اولان اولایلار و حاديثه لر و تورکييه خالقينين ايستکي ماراقلي دي. بو آک پارتيني دستک له مک آنلاميندا دئييل بلکه بوتون پارتيلارين سياستلرينين آراشديرما و گئرچک لری ایزله مک دیر.

يونوس بئي-ين منيم دئديييکلريمي يانليش نقل ائله مه يي بوردا قورتارمير: " تورکیه لی اولمامادیغینیز اوچون آکپ نی ترجیج ائدیرسینیز! .

 پس يونوس بئي-ين فيکرينجه تورکييه نين ديشيندا بوتون فاکتور لاري نظرده آلماق ياني آکپ ني ترجيح ائتمک. عجب!

*

يونوس بئي منيم "آنتي تورک" تئرمینی ايشله تمه سينه ده اعتراض ائلير و يازير: عجبا "آنتی تورک" سؤزو گرچک دن معین بیر منطیق داشییرمی؟ و علاوه ائلير بو قاورام (آنتی تورک و یا آنتی ایران و یا ...) گرچکچی و دئمکراتیک بیر آچی دان، گئریه قالمیش بیر ادبیاتا دایانان، استبدادا سؤیکه نن، باسدیریجی بیر حیسسی گؤسته ریر و عمومیتله هر بیر اؤلکه ده ایفراطچی میللتچی لرین (ناسیونالیست لرین) ادبیاتی سایلیر.

و باشقا بير ايفاده ده يازير: " آوروپا و حتی آمئریکا دا اولان اؤلکه لرین مئدیاسیندا "آنتی" سؤزو ایشله نیلمز.

اول اؤنجه قئيد ائتمه لييم کي يونوس بئي-ين دئديينه رغما، "آنتي سئميتيزيم" سؤزو اوروپا و آمئريکا مئديالاريندا، هم ايشله نير و همده بير حقوقي آنلام داشييير. انتي تورک سؤزو ايشله نمه سه ده اما اونا یاخین باخیش لار "تورکوفوبيا" و يا "ايسلاموفوبيا" فورماسيندا و يا حتي ارمني لابي چي لارين آچيق آيدين آنتي تورکيه تحرکاتی بير فاکت دير.

اما دیقت ائله ملی اودیر کی، منيم يورومومدا آنتي تورک سؤزو ايران لا باغلي دير. ایران دا عجبا "آنتی تورک" سؤزو گرچک دن معین بیر منطیق داشییر!

بو منطیق دونيا دا اولان آنتي سئميتيسيم له البته فرق لي دير. اوردا بیر موشخص دينه/ ائتنيکه باغليليغلا، شخص اؤزو باسقییه هدف اولور اما ايران دا اولان آنتي تورک سيياستي، شخصين اؤزونو يوخ بلکه تورک کولتورو و تورک تاريخيني سيستماتيک حالدا باسقيیه معروض قویور. يونوس بئي-ين دئديي کي آنتي تورک عمومیتله هر بیر اؤلکه ده ایفراطچی میللتچی لرین (ناسیونالیست لرین) ادبیاتی سایلیر.  ايران ا شامیل اولماز. گئچن يوز ايلده ايران حوکومتلرين رسمی سيياست لري اساسدان تورک آدینی لکه له مک و تورک خالقينين بو کولتوره و اونون تاريخينه باغليليغینی حقارت له مک اولوب. ايراندا تورک خالقينين اؤز وارليغينا گؤوه نيني آرادان آپارماخ آماجي له، بو کامپانيانين بير بويوک حيصه سي تورک دولتلرين و باشدا گئدن، تورکييه نين ائعتيباريني قارالاما سيياستي اولوب. ايران مئدياسيندا-ايستر حيکومت و ايستر ايران محور اوپوزيسیوني- تورکييه حاقيندا تکجه منفي اولايلار گؤورونر، سانکي تورکييه ده هئچ بير موثبت بير ايتيفاق جريان ائتمير. بوجور يانليش بيلگي وئرمه  سونوجوندا، باشقا طرف سيز قايناق لاردان خبر آلمييه ن شخصین فيکرينده تورکییه بیر ثبات سيز، گئري قالميش، غير دئموکراتيک و امنييت سيز يئر دير. بو ائيليمين قارشيسين آلماق،  بو سياستلري و اونلارين کؤکلرين تانيیب، آماجيني ايفشا ائتمکله مومکون دير. بونا ايفراطچيليک و ناسيوناليستيک علامتي دئمک اینصافسیزلیک دیر.

يونوس بئي-ين دئديي کي: " اگر سه آدین چکدینیز "آنتی تورک محفل لر" بعضی فیکیرلری د ه مئیدانا قویورلارسا، گینه ده او محفل لرده ن گلن آنالیزلر دیققت له ایزلنمه لی و اؤنمسه مه لیدیرلر. چون کو دوشمن و یا مخالیف دن بیر تنقید گلیرسه، او تنقیدین کؤکلری اولمالی دیر، یوخسا کیمسه کؤکسوز تنقیده اؤزه ن گؤسته رمز ده اونون یازدیقلارینن ایلگیسی اولابیلمز. باشقا فاکتلاري گؤرمه دن، بو محفل لرين عين سؤزلرين تيکرارائتمک ائتگیلی بیر مئتود دئیل.

ايرندا اولان تورک اکتيويستلرين تورکييه و باشقا تورک اؤلکه لري حاقدا حساسيتلري يونوس بئي-ين دئديي معین بیر تعصبه قاپسانارکن يوخ بلکه ايران مئدياسينين آنتي تورک باخيشينا اينانماماقليخدان و اونلارين منفي تبليغاتين ائتگيسيزله نديرمک و اونون يئرينه طرفسيز دوزگون معلومات يايماق دي.

*

تیکرار اولسادا دئمه لييم کی هر آراشديرمانی ده يه رله نديرنده بوتون فاکتورلاري نظرده آلمالييق. تاسوفله يونوس بئي-ين يازيسيندا تکجه تورکيه دولتينه تنقيد اولان سؤزلر گٌورونور. بو داورانيشدا، "پ ک ک" نين سيلاحلي عملياتي و آنکارا اینن ايستانبول دا پارتلامالاري، سياسي باریش پروسئسی پوزوب شهرلرده خندق قازماقلاري، ، موخاليف پارتييالارين يئته رلي اولماماغي، دونيادا و اؤزليکله منطقه ده دئييشيکلرين اثرلری غاييب دير. آيريجا سوريه نين قوزئيين ده "پ ک ک" ايه باغلي اولان "پ ي د" -ين تورکمن لري و عرب لري يئرلريندن چیخارمادان سؤز گئتمير. اگر امنستي اينترناسيونال-ین ائعتیراضیندان  تورکييه دولتي نه سؤز آپارير اما "پ ي د" حاقدا وئريلن اعلان غاييب دي. هر نه وار تورکييه دولتينين تقصيري دي. اگر بير سئچکينین سونوجوندا اکثريت قازانان موخاليف لر بير يئره گليب دولت قورابيلميرلر ايقتيدارين تقصيري دي. اگر اوبيري سئچکي ده موخاليف لر اوتوزوللار يئنه ده دولتين تقصيري دي. اگر تورکيه دولتي سوريه نين قوزئيين ده "پ ي د" نين ائتنيک تميزله مه سينه قارشي دورور، غلط ايش گؤرور و اگر قوزئي عيراقدا رسمي کورد وارليغينان موناسيبت قورور اودا تنقيد اولونور. اگر خالق چوخونلوقلا بير دولته اؤي وئرير يئنه ده تورکيه نین فلاکته ایره لی له مه سی ایدعا اولونور. مگر يونوس بئي تورکیه یه دوعا ائده لیم يازي دا دئمیر بعضی لری ایدعا ائدیرلر کی تورکیه ده آزاد سئچیم له حکومت سئچیلیرسه، تورکیه یه هئچ بیر زیان دئیمه ز. آمما باخارساق هیتلرده آدین چکدییمیز سئچیم لرله آلمان حکومتینین گوجونه اه له گئچیرمیشدیر. نئجه اولور کی آلمانیادا سئچیم واسیطه سی ایله فاشیسم گوج آلیر، و مملکتی و دونیانی فلاکته سورک له ییر. آمما تورکیه بو قاعده ده مستثنا اولور؟

بي بي سي فارسی دا  "پ ک ک"- يه دستک اولان آراشديريجي لاردان مگر فرقلی سؤزلر ائشیدیریک؟

*

يونوس بئي يازيسينين سؤنون دا منه بیر توصيه سی ده وار:

سیاست معین شرایط ین مشخص آنالیزیندن فورمالاشیر. آمما یوخاریدا قئید ائتدیمیز کیمی سیزین آنالیز طرزینیزده زمان دایاندیریلیر، شرایط دوندورولور و معین شرایطین مشخص آنالیزی اساسیندا فیکیر فورم تاپماییر.”

 بونا ايضاح اوچون وورقولامالييام کی اگر تورکيه نين اساس موجودييتينه قارشي اولان تبلیغاتی و یا تورکییه حاقیندا یانلیش بیلگی لری تيکرارلاماق معین شرایطین مشخص آنالیزی اساسیندا فیکیر فورم تاپماق دير من بئله داورانيش دان، هم اؤز شخصي پرينسيبلريمه گؤره و همده گونئي آذربايجان و ايران تورکلرينين منافعينه خاطير چه کينيرم. منجه، حریفلریمیز حاضیرلایان مئیداندا اویناماقلا خالقیمیزین منافئعی اه له گلمز، بو ایستر یونوس بئی دئمیشکن "معین شرایط ین مشخص آنالیزیندن فورمالاشما" باهاناسینن اولا یا دا ساده جه هاوانین هانسی سه مته اه سمه سی بیزی اورا چه که.

 

27 مای 2016

 

 

 

دوشونجه شیوه سینه یؤنه لیک

تورکیه یه دوعا ائده لیم

2016-05-28 01:32:57

آخرین عناوین

کلیشه‌ها و پیش‌داوریها نسبت به جنبش‌های ملی-مدنی: موانع دستيابى به يك پلوراليسم متوازن در ایران علیرضا قولونجو

رشته دانشگاهی زبان و ادبیات ترکی؛ مبهم و مخدوش دومان رادمهر

ابوبکر بغداديٍ فاجعه مونيخ یاشار گولشن

دوشونجه شیوه یه یؤنه لیک یوخسا یانلیش آنلاییشلار! یاشار گولشن

قوميتگرائي افراطي فارسي و مراسم کتاب‌سوزي ٢٦ آذر سال ١٣٢٥ در آزربايجان مئهران باهارلي

!STAND AGAINST RACISM

فتيله شبکه دو تلويزيون دولتي جمهوري اسلامي برنامه ای برای تباهی اذهان کودکان یاشار گولشن

نکاتی در مورد برنامه صفحه دو بی بی سی- نتایج انتخابات ترکیه علیرضا قولونجو

مصاحبه با غلامحسین ساعدی مصاحبه کننده، ضیاء صدقی-آوریل 1984

قدرالسهم به روایت اکبر اعلمی یاشار گولشن

به نام اویغورها! روزبه سعادتی

کلاشنیکف‌ها هرگز شکوفه نمی دهند علیرضا قولونجو

پایه‌های لرزان "بنیاد فرهنگ، ادب و هنر آذربایجان" محمدرضا هیئت

کارت قرمز بر علیه نژادپرستی سیستماتیک موجود بر علیه ترک ها در ایران اومود مهدیان

دفتري به عنوان فرهنگ استان آذربايجان بجای فرهنگستان زبان ترکی! یاشار گولشن

زبان ترکی بعنوان یکی از زبانهای رسمی مجلس نمایندگان شورای اروپا تعیین شد

تدارک برای گردن زنی ناصر مرقاتی

اعتراض زنان ترک به حضور حسن روحانی با مچ بندهای سرخ، علامت بوزقورد و نشان پیروزی

ماهی سیاه کوچولوی صمد بهرنگی در لیست ده کتاب برتر متتقد روزنامه گاردین

شرایطی که توافق لوزان را تحمیل کرد یونس شاملی

حمله عوامل حکومت ايران به ترک های هوادار تیم والیبال اورمیه در تهران

هجوم مامورين انتظامي به عرب هاي اهواز

در آسيب شناسى حركت ملى آذربايجان - بخش ١ و ٢ معصومه قربانى

دولت روحانی با موضع گيري هاي يونسي بدنبال چه هدفي است؟ یاشار گولشن

قضیۀ سلماس، حکیم توس و اساتید سعید یوسف

افسانه خواهری جهانی به سبک ایرانی - بی سوادی و فقر دو عامل کلیدی در تداوم نقض حقوق زنان عذرا آذری

keçen Qonular

تورک! سن سؤمورگه‌دن/ایستیعماردان قورتولماق اوچون نه ائدیرسن؟ علیرضا قولونجو

سولئیمان‌اوغلو ایله سؤیله‌شی آنلام درگیسی، ایکینجی سایی، شوبات 2017

نه ائتمه مه لی ییک! ؟ دومان رادمهر

آخساق قایدالار ایواز طاها

بیزیم عزیز نسین س. حاتملوی

گونئیده 300 تورک فعال اویغورلارا دستک بیاناتی ایمضالاییب

تورکمن گمیچی گونئیلی فعاللاری 13 ایل حبسه محکوم ائدن حؤکمدەکی تضادلار حاقدا دانیشیر

کریم عسگری: گونئی تشکیلاتلاری تورکیەده HDP-نین فعالییتینی اؤرنک آلا بیلر

ماحمودعلی چؤهرەقانلی: تبریزدەکی گئدیشات نورمال دئییل

ستار سایین قالا: او دؤنم چوخ اؤزل بیر دؤنم ایدی

اکبر ابولزاده: تراختور قهرمان اولسایدی، ایراندا یاشایان تورکلر اؤزونە-اینام قازاناردی

آل بو سنه قير ميزى اسماعیل جمیلی

ایرانلی آیدینلارین ائتنیک حاقلارینا یؤنه‌لیک یاخلاشیمی ده‌ییشمکده‌دیر می؟ یوردنئت'ین توغرول آتابای ایله سؤیله‌شیسی

محمد رضا لوایی: گونئیلیلر اوچون مای حادیثەلری بیر باشلانغیج نؤقطەسیدیر

مهسا مئهدیلی: اؤیرنجی قادینلار مای قییامیندا بؤیوک رول اوینادیلار

یاشاسین یاشاسین قهرمان تبریز اسماعیل جمیلی

ائلچین حاتمی: اقتصادی وضعییت خوصوصیله قئیری-فارس بؤلگەلرده چوخ آغیردیر

İranlı aydınların etnik haqlarına yönəlik yaxlaşımı dəyişir mi? (Toğrul Atabay ilə söyləşi)

علیرضا اردبیلی: ایرانداکی ایرقچیلیک عربلر و تورکلری بیر-بیرینه یاخینلاشدیریب

یاشار اسدی ایراندا میتینق کئچیرن اون مینلرله موعلیمین طلبلری حاقدا دانیشیر

یاشار حیدری آوروپادا یاشایان گونئیلی موهاجیرلرین دوروموندان دانیشیر

دومان رادمئهر: ایراندا آنتی-عرب احوال-روحییەسی حؤکومتین بؤلگەده یوروتدویو سییاسته خیدمت ائدیر

اوغوز تورک ایران-قرب راضیلاشماسی، سانکسییالار و اونلارین قئیری-فارس آزلیقلارا تاثیری حاقدا دانیشیر

حمید منافی: علیرضا فرشی ائوین زیندانیندادیر، وکیلی ایله گؤروشه بیلمیر

محمد احمدیزاده: صفویلر دؤنەمی موسیقی تاریخیمیزین قیریلما نؤقطەسیدیر

نه‌کی‌وارین هر گونو بایرام اولسون! وکتور جئری

31-03-2015 ایران-ایسوئچ اویونوندان بیر راپورت

محمد رضا هیئت: تورکجەنی یوخ ائتمەیه چالیشان سیستئم تورک دیل قورومو آچدیرماز

اوختای آلپ تورک: نه ”پئرشین” نه ده ”ایرانیان” - بو آدلار بیزی تمثیل ائتمیر

یونس شاملی سلماس دا هئیکل اولایی و گونئیین شهر شورالاری حاقدا دانیشیر