Details

ميللي حركاتين بوگونكو دورومو و ميللي دؤولت­چي­لي­يين پرسپئكتيولري

علي رضا اردبيلي

آلمانيا نين كؤلن شهري، 21 آذرين 69-جي ايلدؤنومو موناسيبتيله كئچيريلن سئميناردا چيخيش­ين متني.

 

ميللي حركاتين حاضيركي دالغاسي­نين عؤمرو اوچونجو اون ايل­لي­ييني ياشايير. تاريخي باخيمدان بو آز زاماندا، بو حركاتين گئنيشلنمە­سيني، يالنيز بير مؤعجزە­يه بنزە­تمك اولار. قيصا بير آناليز چرچيوە­سينده، بوتون تفروعاتا واريب، هامي فاكتلاري سادالامادان، سون ايللرده، بوگونكو دورمون فورمالاشماسينا تأثير قويان 4 موهوم عاميلي سايماق اولار. سياسي مكان باخيميندان بو 4 عاميل­ين بيري حركاتين وطندن كنار قولو داخيل اولماقلا حركاتين ايچينده، ايكينجي­سي ايران داخيلينده، اوچونجوسو بؤلگە­ده و دؤردونجوسو دونيا سياست چاپيندا باش وئرميشدير:

    بيرينجي عاميل داخيلي اينكيشاف يا ايچ گليشمه و سياسي يئتگينلشمه عاميلي­دير. ميللي حركات، ايلكين دؤرونو اوغورلا باشا وورسادا، ايكينجي دؤورونو باشلاماقدا چتنيليك چكير. ميللي حركات، ايلك دؤورده نه يي ايستە­ميريك حاقيندا شعر و شوعارلارلا ميللي هيجان ياراديب، گنجلر و توپلومون بوتون لايە­لريني مئيدانا چكمكده لياقتله عمل ائتميشديرسه، بو دؤرده اؤزونو تعريف ائتمك و حاكم ايدئولوژي­له اؤز كيم­لي­يي آراسيندا اولان كونتراستي قابارديردي.

    حركات اؤز دوغال گليشمە­سي ندنيندن، آرتيق يئني بير آشامايا داخيل اولمالي­دير. بو آشاما يئني فيكر و يئني كادرلار طلب ائدير. ايلك دؤرده نە­يي ايستە­ميريك نفي­يي سؤيلمي يئرينه، ايندي، ايستكلريميزي اثباتي پلاتفورملاردا بيان ائتمە­لي­ييك. بو سؤيلم، شعر يئرنه نثر، ميللي هيجان دالغالاري يئرينه سياسي شعور، باشيميزا گلميشلرين كدرلي اوصافي­نين بياني يا مذهبي تئرمينله دئسك، "ذيكري موصيبت" يئرينه صاباحا اومودو جواب يئرنه دوشونمە­يه وادار ائدن سوآلطلب ائدير.

    ميللي حركات، ايكينجي دؤورده، اؤزونون مركزيت باسقي­سي و داخيلده اولان تسليم طلب­لي­يه قارشي سينيرلاريني قاباردماق يئرينه، بوتون ميللتين دردينه واران، يالنيز ميللي مسئله و ميللي سيتم يوخ، سوسيال عدالت، قادين آزادليغي و برابر حاقلي­ليغي، اكولوژيني قوروما و اكونوميك گليشمك سورونلاري­نين چؤزوملريني ده، سياسي پلاتفورملار چرچيوە­سينده آرايا قويمالي­دير. بو دؤورده، يئني ميللي حركات اؤزونو يئني بير صاباح و يئني بير توپلوم قورماغا قادير اولان قوه كيمي تانيتمالي­دير و اؤزونو يالنيز ميللي حركات يوخ، بوتون ميللت قارشي­سيندا مسئول حيس ائتمە­لي و بوتون داورانيش كدرلاري­دا بو مسئوليت­دن ايرە­لي گلمە­لي­دير. داها ميللتي يئرلي يا يئرسيز اساسلارلا بؤلوب، اؤزونو يالنيز عملي صالئح و ايماني كاميل اولانلارا نوماينده گؤروب او بيري­لري قيناماغا حاقلي اولمامالي­دير. اگر بيرينجي دؤروده هامي­نين حركاتين سيرالاريندا اولماسي­نيني حاقلي تانيماق شرط ايدي، ايكينجي دؤورده بوتون ميللت ائولادي­نين حتي ميللي حركاتين شوعارلاينا دستك وئرمە­ينلرين حاق و ايستكلري گوندمه گلمە­لي­دير. ايندي، ايلك دؤورن راديكالسيمي­نين يئريني پراقماتيسم و ايلكين هيجانلارين يئريني­ايسه، سياسي استراتژي آلمالي­دير. بو دؤرده، ميللي حركات اؤزونون وار اولماسيني ايثبات ائتمكله يوخ، اؤزونون نه يه قادير اولماسيني گؤسترمە­لي­دير. ميللي حركات، هله بيرينجي دؤورون باشا چاتماسي­ درك ائديب و ايكينجي دؤورون گوندە­لي­يي­ني آرايا قويماقدا آخسايير.

    گونئي آذربايجانين بوگونكو سياسي دورومان تأثير قويان ايكينجي عاميل، ايران سياسي مكانيندا، شمسي 1388 جي ايلين ياشيل حركاتيلا باغلي دير. بللي اولدوغو كيمي همان حاديثە­لرده گونئي آذربايجان اؤز سؤزونو كناردا قالماقلا دئدي. بو مئساژ هم آيدين ايدي و هم ده ائله بير ديلده ديله گليردي كي، مئساژين موخاطبلري اونو در حال باشا دوشدولر. ميللي حركاتين بوتون گوج نوماييشلري قارشي­سيندا كار و كور رولو اويناماغا آليشميش فارس سياستچيلري درحال، نه كار و نه كور اولماديقلاريني گؤسترديلر. 1374-جي ايلين آذربايجاندا ايسلامي شورا سئچگي­لري، 1370-جي ايللرده آذربايجان اؤيرنجي حركاتي، يئني آذربايجان مطبوعاتي، بابك قالاسيندا كئچيريلن ميللي قورولتايلار، 2006 جي ايلين ماييس قيامي و سهند و باشقا استاديوملاردان سمالارا قالخان سسلري دويا بيلمە­ميشلر و دويماديقلاريني ايديعا ائتميشلر، بو سس­سيز سسي و سسلرين سسيني راحاتجاسينا دويدولار. اوستە­ليك، ياشيل حركاتين توتدوغو يؤن، آذربايجان مؤوقعي­نين حاقلي اولماسيني گؤستردي. بيزيم ايستە­ييميزدن آسيلي اولماياراق، ايندي ايران آدينا دانيشان فارس سياستچيلريني، آذربايجانين گلە­جكده ده، موستقيل مؤوقع توتماسي قورخودا ساخلايير.

    خاتمي دؤورونده ايچريده و سونرا ديشاريدا، فارس ايصلاح طلب سياستچي و آيدينلاري هر ايمكانا ماليك اولاركن، بيزيم ميللي حركات، اؤيرنجي مطبوعاتي، اؤيرنجي حركاتي و بابك قالاسينداكي ميللي قورولتايلارينا قيناعت ائتمە­لي­ايدي. احمدي­نژادين ايلك پريزيدنت ليك دؤورونده، گونئي آذربايجان، بابك قالاسيندان شهرلره داها دقيق دئسك استاديوملارا حتي فارس شهرلرينده اولان ايدمان/ورزش ميدانلاريندان دانيشماغا و گوج نوماييش ائتديرمە­يه باشلادي. اؤنجه ايشاره اولونان كيمي، احمدي نژادين ايكينجي 4 ايل­لي­يي­نين باشلانيشيندا باشلانان ياشيل حركات دؤرونو، اؤز ايستيقلاليني و آذربايجان توپلومومون سياسي نبضيني الينده ساخلاماسيني موفقتيله نوماييش ائتديردي. فارس اوپوزيسيونو، باتي­دان هر بير يارديم گؤردويو ياشيل حركاتي دؤورونده، باتي قووە­لردن هئچ بير معنوي يا مادي يارديم گؤرمە­ين گونئي آذربايجان، باتي گميچيلري­نين سياستي­نين دئيشمە­سيندن بير دئپرسيون ياشامير.

    باشقا طرفدن باتي اؤلكە­لري­نين حيمايە­سيندن محروم و بو حيمايە­يه آليشماميش گونئي آذربايجان ميللي آزادليق حركاتي، باتي اؤلكە­لري­نين بؤلگە­ده پري­آريتتلري (ترجيحاتي)نين دئيشمە­سي نتيجە­سينده، روحدان دوشمە­ميشدير.

       ايران داخيلينده هله عرب بهاريندان اؤنجه باشلانيب مغلوب اولموش ياشل حركات و موحاسيبە­سيني، غرب و اسرائيلين ايرانا قارشي يوروددويو باسقي­لارلا تنطيملە­ميش فارس اوپوزيسيونو، ايكي جبهە­ده اوغورسوزلوقلار ياشاديلار. بوگون هم 1388-دن سونرا هر هانسي بير فورمادا اؤيرنجي حركاتي يا باتي­دان گلن معنوي و مادي دستك باخيميندان فارس اوپوزيسيونو، هله ده دوام ائدن و سونو گؤرسنمە­ين دئپرسيونا دوچار اولموش حالدادير.

   بيزيم آكتوئل دوروموموزا تأثير بوراخان اوچونجو عاميل، بؤلگە­سل حاديثە­لرين بوتون آوتوريتر رئژيملر و اوجومله دن ايران حاكميتي­نين خئيرينه فيرلانماسي­دير. مسئله بوردادير كي، حتي ديكتاتورالاردا، دؤولتلر يالنيز سياسي پليس، سياسي محبس و شكنجه آپاراتي دئيرلر. ائله ديكتاتورالاردا دا، موعاصير دولت آپاراتي، ائيتيم، بوتون اينفراستروكتورل سيستملري، صحيه و بير چوخ فونكسيونلاري يئرينه يئتيرير. ان باشليجاسي، اهالي­نين گوونلي­يي­ني قوروماق دؤولتين بوينونا دوشور. اگر يوز ايل اؤنجه، ائوينده قلينجي، آتي و آذوقە­سي اولان اهالي، لازيم گلنده دؤولتي قوروماغا سفربر اولوردو، موعاصير دؤولتده نه حرب ايشي ساوادسيز آت بئلينده گزن الي قلينجلي يا الينده برنو توفنگي اولانلاردان عيبارت دير و نه اهالي­نين ائوينده مطبخ پيچاغيندان سواي بيرسيلاح ساخلانيلير.

    بئلە­ليكله ايستير اسگي سووئتلر اولسون، يا اسگي يوقوسلاوي يا اورتا دوغونون كانيبال ديكتاتورالاري، يالنيز روشورتخورلوق و سياسي ايختيناقي اياق اوسته ساخلاماقلا يوخ، هم ده سرحدلرين، ائولرين، مكتبلرين، وطنداشلارين و خستە­خانالارين تهلوكە­سيز­لي­ييني قوروماقلا مشغولدورلار. موعاصير دؤولتلرين، ظاهيرده بديهي اولان بو فونكسيالاريني بلكه بيلمە­ين يوخدور. آمما بيلمك و سياسي رفتاردا داخيل ائتمك باشقا بير مسئلە­دير. ديكتاتورالاردا هامي ايقتيدار قارشي موخاليفتين هزينە­لي اولماسيني بيلير. آمما هامي بو هزينه ني اؤز سياسي سئچيمينده بير آغيرليقلا ديرلرنديرمير. بؤلگە­ميزده باش وئرن فاجيعە­لر، سومالي­دن، ميصير، ليبي، افغانيستان و ان اساسي عيراق و سوريه تجروبە­سي، بو ساده فاكتي ائله بير پداقوژيك و ائفكتيو فورمادا هامي­يا عيان ائتدي كي، صدام و اسد رئژيملري­نين "نعمت"لريني اونودانلار، بو حاقدا يئني­دن دوشونمە­لي اولدولار.

    دؤردونجو عاميل هر باخيمدان، بؤلگە­ميزده باش وئرنلرين دونيا سياستي­نه بورخدايغي ايزله باغلي­دير. ياشاديغيميز گلوبال دونيادا، يالنيز بيزيم بؤلگه يوخ، هم ده دونيا پليسي اولان آمئريكا بيرلشميش شتاتلاري و باتي گوجلري­ده بو خوشا گلمز فاكتلا حئسابلاشمالي اولموشلار. بونونلا، عرب بهاريني قارشيلايان دونيا و ايران حاقيندا آچيق آشكار رئژيم چئنج سياستي­ني گوندە­ليكده قويموش قووە­لر، اورتا دوغو ديكتاتورلاري­نين چؤكمە­سيندن يارانمش قدرت واكومي (خلائي) نين ميدانا گتيردي­يي، ليبي كائوسوندا شوك دوشوب، جبهە­النصره و داعيش كيمي قووە­لرين قارشي­سيندا، تهران و دمشق رئژيملريني ان آزيندان دئفاكتو موتفيق حئساب ائتديلر.

 

   سونوج:

    حاقيندا دانيشيلان 4 عاميله بيرده نظرسالاق:

    بير: ميللي حركات اؤز يئني آشاماسينا (مرحلە­سينه) داخيل اولماقدا استعداد و ايراده گؤسترمە­لي­دير.

    ايكي: ياشيل حركات جريانيندا اؤز موستقيل سياسي رفتاريني نوماييش ائتديرميش گونئي آذربايجانين اؤزونه اينامي آرتميش­ديرسا، ايران سياسي مكانيندا مركزچي طلبه حركاتي و ايصلاحاتچي­ليق پريشانليغا دوچار اولموش و يالنيز حسن روحاني­ني حاكميته گلمە­سيندن سونرا چوز آز بير سورع و اينامسيزليقلا اؤزونه گلمك ايستير.

    ايكي: ايران رئژيمي، ديكتاتورلارين قدرتدن گئتديكريندن دوغان خلاء اساسيندا، مئيدانا گلن قار قووە­لرين نه يه قادير اولاسيندان، ايستە­دي نتيجە­ني آليب و بو نتيجە­ني اينسانلارين سياسي سئچيملرينده رول اويناماسينا چاليشر و بو يولدا معين درجە­ده اوغور قازانميشدير. رئژيمين بو موفقيتي، گونئي آذربايجان­ين دا ضررينه عمل ائدير.

    دؤرد: دو نيا سياستينده، باتي اؤلكە­لرين بيزيم بؤلگە­ اوچون يئني­جه فورمالاشميش ترجيحاتي ايران رئژيمي­نين خئيرينه و بوتون موخاليفتين زيانينا اولسادا، فارس مركزچي اوپوزيسيونو بو فاكتوردان داها جيددي ضررلنميشدير.

    بو دؤرد عاميل هم بؤلگه و هم ايران و گونئي آذربايجانا تأثير قويور. گونئي آذربايجان ميللي آزادليق حركاتي نين، هر هانسي غيري دموكراتيك رئژيمين اوپوزيسيونو كيمي، چوخ محدود سئچيملري واردير. بو سببدن، ميللي حركات، زمانين و يئني دؤورون طلباتيلا اويقونلاشمالي، تاكتيلري و داخيلي دوروموندا معين رفورملار ائتمە­لي و بؤلگە­ده اولان دوروملا اويقون حركت ائتمە­لي­دير. بؤلگە­ده و ايراندا جيددي دئيشيكليكلر قاچيلمازدير و ميللي حركات، بو يئني لشن دونيادا، اؤزونو يئني گونئي آذربايجانين عقلاني سسي و لاييقلي قوروجوسو كيمي گؤرمە­لي­دير. تسليم طلبلر و جبهه دئيشنلرين، ايديعالارينا رغما، حركاتيميز گوجلودور و گلە­جك بيزيمدير. هركس، دوكتور لطيف حسنلي­نين بو ايل 21 آذرين ايلدؤنومو موناسيبتيله سياسي محبسدن يازيغي بياننامە­يه باخسا، قبول ائدر كي، رئژيمين سياسي حبسخاناسيندان بو آيدين و جسارتلي بياناتي صادير ائدن ميللي حركات، سارسيلماز آدديملارلا ايرە­لي­يه يورويور.

 

    گلە­جك بيزيمدير!

 

    13 دئكابر 2014

 

             

2014-12-17 21:07:52

آخرین عناوین

کلیشه‌ها و پیش‌داوریها نسبت به جنبش‌های ملی-مدنی: موانع دستيابى به يك پلوراليسم متوازن در ایران علیرضا قولونجو

رشته دانشگاهی زبان و ادبیات ترکی؛ مبهم و مخدوش دومان رادمهر

ابوبکر بغداديٍ فاجعه مونيخ یاشار گولشن

دوشونجه شیوه یه یؤنه لیک یوخسا یانلیش آنلاییشلار! یاشار گولشن

قوميتگرائي افراطي فارسي و مراسم کتاب‌سوزي ٢٦ آذر سال ١٣٢٥ در آزربايجان مئهران باهارلي

!STAND AGAINST RACISM

فتيله شبکه دو تلويزيون دولتي جمهوري اسلامي برنامه ای برای تباهی اذهان کودکان یاشار گولشن

نکاتی در مورد برنامه صفحه دو بی بی سی- نتایج انتخابات ترکیه علیرضا قولونجو

مصاحبه با غلامحسین ساعدی مصاحبه کننده، ضیاء صدقی-آوریل 1984

قدرالسهم به روایت اکبر اعلمی یاشار گولشن

به نام اویغورها! روزبه سعادتی

کلاشنیکف‌ها هرگز شکوفه نمی دهند علیرضا قولونجو

پایه‌های لرزان "بنیاد فرهنگ، ادب و هنر آذربایجان" محمدرضا هیئت

کارت قرمز بر علیه نژادپرستی سیستماتیک موجود بر علیه ترک ها در ایران اومود مهدیان

دفتري به عنوان فرهنگ استان آذربايجان بجای فرهنگستان زبان ترکی! یاشار گولشن

زبان ترکی بعنوان یکی از زبانهای رسمی مجلس نمایندگان شورای اروپا تعیین شد

تدارک برای گردن زنی ناصر مرقاتی

اعتراض زنان ترک به حضور حسن روحانی با مچ بندهای سرخ، علامت بوزقورد و نشان پیروزی

ماهی سیاه کوچولوی صمد بهرنگی در لیست ده کتاب برتر متتقد روزنامه گاردین

شرایطی که توافق لوزان را تحمیل کرد یونس شاملی

حمله عوامل حکومت ايران به ترک های هوادار تیم والیبال اورمیه در تهران

هجوم مامورين انتظامي به عرب هاي اهواز

در آسيب شناسى حركت ملى آذربايجان - بخش ١ و ٢ معصومه قربانى

دولت روحانی با موضع گيري هاي يونسي بدنبال چه هدفي است؟ یاشار گولشن

قضیۀ سلماس، حکیم توس و اساتید سعید یوسف

افسانه خواهری جهانی به سبک ایرانی - بی سوادی و فقر دو عامل کلیدی در تداوم نقض حقوق زنان عذرا آذری

keçen Qonular

تورک! سن سؤمورگه‌دن/ایستیعماردان قورتولماق اوچون نه ائدیرسن؟ علیرضا قولونجو

سولئیمان‌اوغلو ایله سؤیله‌شی آنلام درگیسی، ایکینجی سایی، شوبات 2017

نه ائتمه مه لی ییک! ؟ دومان رادمهر

آخساق قایدالار ایواز طاها

بیزیم عزیز نسین س. حاتملوی

گونئیده 300 تورک فعال اویغورلارا دستک بیاناتی ایمضالاییب

تورکمن گمیچی گونئیلی فعاللاری 13 ایل حبسه محکوم ائدن حؤکمدەکی تضادلار حاقدا دانیشیر

کریم عسگری: گونئی تشکیلاتلاری تورکیەده HDP-نین فعالییتینی اؤرنک آلا بیلر

ماحمودعلی چؤهرەقانلی: تبریزدەکی گئدیشات نورمال دئییل

ستار سایین قالا: او دؤنم چوخ اؤزل بیر دؤنم ایدی

اکبر ابولزاده: تراختور قهرمان اولسایدی، ایراندا یاشایان تورکلر اؤزونە-اینام قازاناردی

آل بو سنه قير ميزى اسماعیل جمیلی

ایرانلی آیدینلارین ائتنیک حاقلارینا یؤنه‌لیک یاخلاشیمی ده‌ییشمکده‌دیر می؟ یوردنئت'ین توغرول آتابای ایله سؤیله‌شیسی

محمد رضا لوایی: گونئیلیلر اوچون مای حادیثەلری بیر باشلانغیج نؤقطەسیدیر

مهسا مئهدیلی: اؤیرنجی قادینلار مای قییامیندا بؤیوک رول اوینادیلار

یاشاسین یاشاسین قهرمان تبریز اسماعیل جمیلی

ائلچین حاتمی: اقتصادی وضعییت خوصوصیله قئیری-فارس بؤلگەلرده چوخ آغیردیر

İranlı aydınların etnik haqlarına yönəlik yaxlaşımı dəyişir mi? (Toğrul Atabay ilə söyləşi)

علیرضا اردبیلی: ایرانداکی ایرقچیلیک عربلر و تورکلری بیر-بیرینه یاخینلاشدیریب

یاشار اسدی ایراندا میتینق کئچیرن اون مینلرله موعلیمین طلبلری حاقدا دانیشیر

یاشار حیدری آوروپادا یاشایان گونئیلی موهاجیرلرین دوروموندان دانیشیر

دومان رادمئهر: ایراندا آنتی-عرب احوال-روحییەسی حؤکومتین بؤلگەده یوروتدویو سییاسته خیدمت ائدیر

اوغوز تورک ایران-قرب راضیلاشماسی، سانکسییالار و اونلارین قئیری-فارس آزلیقلارا تاثیری حاقدا دانیشیر

حمید منافی: علیرضا فرشی ائوین زیندانیندادیر، وکیلی ایله گؤروشه بیلمیر

محمد احمدیزاده: صفویلر دؤنەمی موسیقی تاریخیمیزین قیریلما نؤقطەسیدیر

نه‌کی‌وارین هر گونو بایرام اولسون! وکتور جئری

31-03-2015 ایران-ایسوئچ اویونوندان بیر راپورت

محمد رضا هیئت: تورکجەنی یوخ ائتمەیه چالیشان سیستئم تورک دیل قورومو آچدیرماز

اوختای آلپ تورک: نه ”پئرشین” نه ده ”ایرانیان” - بو آدلار بیزی تمثیل ائتمیر

یونس شاملی سلماس دا هئیکل اولایی و گونئیین شهر شورالاری حاقدا دانیشیر