Details

جانلی جنازه

ميرزاعلي مؤعجوز

 

 ماهی-صیام گلدی، منی سالدی مؤحنته،

 ائی کاش، گلمییەیدی اوروج بو ویلایته.

 گؤرسن، مهی-موبارکی، ساقی، بئش-اون تپیک

 وور، بد سؤیله مندن او بیعارو-قئیرته:

 ائی ماهی-روزه، ائی رمضان، ائی فیلان، فیلان،

 خلقی گتیرمه تنگه، اؤزون سالما قئیبتە!

 گئت هر یئره کئفیندی، ولی گلمه تبریزه،

 یوخدور دوام منده اوتوز گون کسالته.

 ایفطاری یوخ، اوباشدانی یوخ بینوالرین،

 تکلیفی-شاق حق ائلەمز بی بضاعته.

 ایفطار اوچون کباب ائدیسن بیر چەرک اتی،

 ائی مالیدار، گل بیزه، باخ بیر قناعتە!

 آخشام اولاندا چؤلمەیی لبریز ائدر خانیم،

 یعنی کی، بیر چرک سو تؤکر هفدیرم اته،

 قلبی ضعیف ائدر بو قضا، عقلی تارومار،

 من تاپدارام اوشاقلاری، آرواد دؤنر ایته.

 آرواد منە-یامان، من اونا-سیللەوو تپیک،

 قان ائیلری، گر اولماسا همسایه واسیطه.

 جنگ و جیدال ماهی-موبارکده چوخ اولور،

 حقسیز چیخار فقیر گئده گر شیکایته.

 وارلی اگر فقیرین اەزه داش ایله باشین،

 تنبیه ائدر حؤکومت او باشی جراحته.

خمسئین الف” آیەسی نازیلدی شانینه،

 الحق باهار گونلری بنزر قییامته،

 بیر ایل قالیب اذانه هله باشی قوی یئره.

 ائی بی ناماز، آچما گؤزون، باخما ساعتە!

یات، باشووی کسیم! ” دئسه واعیظ، وارام، بلی،

 آما یوخام اوروج کیمی موشکول عیبادته.

 چای ایچمەسم سحر گئدەرم ایختییاردن،

 قویمازلا-قویماسینلا منی باغی-جننته!

 مالی-یئتیمی موللا یئییر، من اوروجلوغو،

 من مالی-حقه بندم، او مالی-رعییته.

 ائی یار قار، کافر ائدیرسن علینی سن،

 اەیلشمیسن یئزید کیمی تختی-خیلافته.

 طوللابی ییغمیسان باشووا بیر مرام ایله،

 مخفی دئییل مرامین، عمو، ذیفراسته.

 ایرزی قالیب ائشیکده موهاجیرلرین تمام،

 آما وئریر تومنلری اصحابی-سربته.

 اون مین تومن فقیر پولون قویموسان ائوه،

 تزویر ائدیب، حصیر سالیسان سن عیمارته. . . .

 ساقی، دونن بو واختی کئچیردیم برابدن.

 دوشدو گؤزوم او سمتده بیر بیکس عؤورته.

 بیماریدی، قریبیدی، بی اختییار ایدی،

 مؤحتاج ایدی قذایه، دوایه، حیمایته.

 من موضطریب باخیردیم او جانلی جنازەیه،

 آغلاردی گؤزلریم او پریشان قییافته.

 بیر تختەپاره تک قوروموشدو او بینوا،

 گؤردوم او حال ایلن دؤشنیب خاکی-ذیللته.

زولفون ائدیب نیقاب سارالمیش اوزارینه،

 باشین قویوب داش اوسته، گئدیب خوابی-راحته.

 شکلی بیان ائدیردی کی، بو بیر عزیز ایمیش،

 بیچاره بیر قضا ایله دوشموش بو حالته،

 هر کس اونا باخیب دئدی : قالمیبدی بوندا جان،

 من ده دئییردیم: عؤمرو یئتیشمیش نهایته.

 ناگاه گتیردی هوشه اونو تاققاتاق سسی،

 آچدی گؤزون یاواشجا، منی سالدی حئیرته.

 بیر باخدی حسرت ایله، یئنه یومدو گؤزلرین،

 اەیدی باشین، اوزون دایادی سنگی-عیبرته.

 مؤعجوز: بو سس ندیر؟-دئدی; باخدیم، دئدیم کی : هئچ!

 دؤولتلیلر گئدیرله نمازی-جماعته.

 بیر آه چکدی، شؤلەسی یاندیردی شاعری،

 یا رب، اولارمی چاره بو بیچاره میللتە!؟

*

 

CANLI CƏNAZƏ

 

Mahi-siyam gəldi, məni saldı möhnətə,

Ey kaş, gəlmiyəydi oruc bu vilayətə.

Görsən, məhi-mübarəki, saqi, beş-on təpik

Vur, bəd söylə məndən o biarü-qeyrətə:

Ey mahi-ruzə, ey rəməzan, ey filan, filan,

Xəlqi gətirmə təngə, özün salma qeybətə!

Get hər yerə kefindi, vəli gəlmə Təbrizə,

Yoxdur dəvam məndə otuz gün kəsalətə.

İftarı yox, obaşdanı yox binəvələrin,

Təklifi-şaq həqq eləməz bibəzaətə.

İftar üçün kəbab edisən bir çərək əti,

Ey malidar, gəl bizə, bax bir qənaətə!

Axşam olanda çölməyi ləbriz edər xanım,

Yəni ki, bir çərək su tökər həfdirəm ətə,

Qəlbi zəif edər bu qəza, əqli tarümar,

Mən tapdaram uşaqları, arvad dönər itə.

Arvad mənə-yaman, mən ona-silləvü təpik,

Qan eyləri, gər olmasa həmsayə vasitə.

Cəngü cidal mahi-mübarəkdə çox olur,

Həqsiz çıxar fəqir gedə gər şikayətə.

Varlı əgər fəqirin əzə daş ilə başın,

Tənbih edər hökumət o başı cərahətə.

"Xəmseyn əlf" ayəsi nazildi şəninə,

Əlhəq bahar günləri bənzər qiyamətə,

Bir il qalıb əzanə hələ başı qoy yerə.

Ey binamaz, açma gözün, baxma saətə!

"Yat, başüvi kəsim!"-desə vaiz, varam, bəli,

Amma yoxam oruc kimi müşkül ibadətə.

Çay içməsəm səhər gedərəm ixtiyardən,

Qoymazla-qoymasınla məni baği-cənnətə!

Mali-yetimi molla yeyir, mən orucluğu,        

Mən mali-həqqə bəndəm, o mali-rəiyyətə.

Ey yar qar, kafər edirsən Əlini sən,

Əyləşmisən Yezid kimi təxti-xilafətə.

Tüllabi yığmısan başuva bir məram ilə,

Məxfi deyil məramin, əmu, zifərasətə.

İrzi qalıb eşikdə mühacirlərin təmam,

Əmma verir tümənləri əshabi-sərbətə.

On min tümən fəqir pulun qoymusan evə,

Təzvir edib, həsir salısan sən imarətə....

Saqi, dünən bu vaxtı keçirdim Bərabdən.   

Düşdü gözüm o səmtdə bir bikəs övrətə.

Bimaridi, qəribidi, biixtiyar idi,

Möhtac idi qəzayə, dəvayə, himayətə.

Mən müztərib baxırdım o canlı cənazəyə,

Ağlardı gözlərim o pərişan qiyafətə.

Bir təxtəparə tək qurumuşdu o binəva,

Gördüm o hal ilən döşənib xaki-zillətə.

Zülfün edib niqab saralmış üzarinə,

Başın qoyub daş üstə, gedib xabi-rahətə.

Şəkli bəyan edirdi ki, bu bir əziz imiş,

Biçarə bir qəza ilə düşmüş bu halətə,

Hər kəs ona baxıb dedi: qalmıbdı bunda can,

Mən də deyirdim: ömrü yetişmiş nəhayətə.

Nagah gətirdi huşə onu taqqataq səsi,

Açdı gözün yavaşca, məni saldı heyrətə.

Bir baxdı həsrət ilə, yenə yumdu gözlərin,

Əydi başın, üzün dayadı səngi-ibrətə.

Möcüz: bu səs nədir?-dedi; baxdım, dedim ki: heç!

Dövlətlilər gedirlə nəmazi-cəmaətə.

Bir ah çəkdi, şöləsi yandırdı şairi,

Ya rəb, olarmı çarə bu biçarə millətə!?

 

 

2014-07-17 22:25:08

آخرین عناوین

کلیشه‌ها و پیش‌داوریها نسبت به جنبش‌های ملی-مدنی: موانع دستيابى به يك پلوراليسم متوازن در ایران علیرضا قولونجو

رشته دانشگاهی زبان و ادبیات ترکی؛ مبهم و مخدوش دومان رادمهر

ابوبکر بغداديٍ فاجعه مونيخ یاشار گولشن

دوشونجه شیوه یه یؤنه لیک یوخسا یانلیش آنلاییشلار! یاشار گولشن

قوميتگرائي افراطي فارسي و مراسم کتاب‌سوزي ٢٦ آذر سال ١٣٢٥ در آزربايجان مئهران باهارلي

!STAND AGAINST RACISM

فتيله شبکه دو تلويزيون دولتي جمهوري اسلامي برنامه ای برای تباهی اذهان کودکان یاشار گولشن

نکاتی در مورد برنامه صفحه دو بی بی سی- نتایج انتخابات ترکیه علیرضا قولونجو

مصاحبه با غلامحسین ساعدی مصاحبه کننده، ضیاء صدقی-آوریل 1984

قدرالسهم به روایت اکبر اعلمی یاشار گولشن

به نام اویغورها! روزبه سعادتی

کلاشنیکف‌ها هرگز شکوفه نمی دهند علیرضا قولونجو

پایه‌های لرزان "بنیاد فرهنگ، ادب و هنر آذربایجان" محمدرضا هیئت

کارت قرمز بر علیه نژادپرستی سیستماتیک موجود بر علیه ترک ها در ایران اومود مهدیان

دفتري به عنوان فرهنگ استان آذربايجان بجای فرهنگستان زبان ترکی! یاشار گولشن

زبان ترکی بعنوان یکی از زبانهای رسمی مجلس نمایندگان شورای اروپا تعیین شد

تدارک برای گردن زنی ناصر مرقاتی

اعتراض زنان ترک به حضور حسن روحانی با مچ بندهای سرخ، علامت بوزقورد و نشان پیروزی

ماهی سیاه کوچولوی صمد بهرنگی در لیست ده کتاب برتر متتقد روزنامه گاردین

شرایطی که توافق لوزان را تحمیل کرد یونس شاملی

حمله عوامل حکومت ايران به ترک های هوادار تیم والیبال اورمیه در تهران

هجوم مامورين انتظامي به عرب هاي اهواز

در آسيب شناسى حركت ملى آذربايجان - بخش ١ و ٢ معصومه قربانى

دولت روحانی با موضع گيري هاي يونسي بدنبال چه هدفي است؟ یاشار گولشن

قضیۀ سلماس، حکیم توس و اساتید سعید یوسف

افسانه خواهری جهانی به سبک ایرانی - بی سوادی و فقر دو عامل کلیدی در تداوم نقض حقوق زنان عذرا آذری

keçen Qonular

تورک! سن سؤمورگه‌دن/ایستیعماردان قورتولماق اوچون نه ائدیرسن؟ علیرضا قولونجو

سولئیمان‌اوغلو ایله سؤیله‌شی آنلام درگیسی، ایکینجی سایی، شوبات 2017

نه ائتمه مه لی ییک! ؟ دومان رادمهر

آخساق قایدالار ایواز طاها

بیزیم عزیز نسین س. حاتملوی

گونئیده 300 تورک فعال اویغورلارا دستک بیاناتی ایمضالاییب

تورکمن گمیچی گونئیلی فعاللاری 13 ایل حبسه محکوم ائدن حؤکمدەکی تضادلار حاقدا دانیشیر

کریم عسگری: گونئی تشکیلاتلاری تورکیەده HDP-نین فعالییتینی اؤرنک آلا بیلر

ماحمودعلی چؤهرەقانلی: تبریزدەکی گئدیشات نورمال دئییل

ستار سایین قالا: او دؤنم چوخ اؤزل بیر دؤنم ایدی

اکبر ابولزاده: تراختور قهرمان اولسایدی، ایراندا یاشایان تورکلر اؤزونە-اینام قازاناردی

آل بو سنه قير ميزى اسماعیل جمیلی

ایرانلی آیدینلارین ائتنیک حاقلارینا یؤنه‌لیک یاخلاشیمی ده‌ییشمکده‌دیر می؟ یوردنئت'ین توغرول آتابای ایله سؤیله‌شیسی

محمد رضا لوایی: گونئیلیلر اوچون مای حادیثەلری بیر باشلانغیج نؤقطەسیدیر

مهسا مئهدیلی: اؤیرنجی قادینلار مای قییامیندا بؤیوک رول اوینادیلار

یاشاسین یاشاسین قهرمان تبریز اسماعیل جمیلی

ائلچین حاتمی: اقتصادی وضعییت خوصوصیله قئیری-فارس بؤلگەلرده چوخ آغیردیر

İranlı aydınların etnik haqlarına yönəlik yaxlaşımı dəyişir mi? (Toğrul Atabay ilə söyləşi)

علیرضا اردبیلی: ایرانداکی ایرقچیلیک عربلر و تورکلری بیر-بیرینه یاخینلاشدیریب

یاشار اسدی ایراندا میتینق کئچیرن اون مینلرله موعلیمین طلبلری حاقدا دانیشیر

یاشار حیدری آوروپادا یاشایان گونئیلی موهاجیرلرین دوروموندان دانیشیر

دومان رادمئهر: ایراندا آنتی-عرب احوال-روحییەسی حؤکومتین بؤلگەده یوروتدویو سییاسته خیدمت ائدیر

اوغوز تورک ایران-قرب راضیلاشماسی، سانکسییالار و اونلارین قئیری-فارس آزلیقلارا تاثیری حاقدا دانیشیر

حمید منافی: علیرضا فرشی ائوین زیندانیندادیر، وکیلی ایله گؤروشه بیلمیر

محمد احمدیزاده: صفویلر دؤنەمی موسیقی تاریخیمیزین قیریلما نؤقطەسیدیر

نه‌کی‌وارین هر گونو بایرام اولسون! وکتور جئری

31-03-2015 ایران-ایسوئچ اویونوندان بیر راپورت

محمد رضا هیئت: تورکجەنی یوخ ائتمەیه چالیشان سیستئم تورک دیل قورومو آچدیرماز

اوختای آلپ تورک: نه ”پئرشین” نه ده ”ایرانیان” - بو آدلار بیزی تمثیل ائتمیر

یونس شاملی سلماس دا هئیکل اولایی و گونئیین شهر شورالاری حاقدا دانیشیر